Gjakovë- Nën patronatin e kryetares së komunës së Gjakovës, Mimoza Kusari Lila, të premtën, me datë 31 janar, organizohet akademi përkujtimore me rastin e 24 vjetorit të rënies së martirëve të kombit Xhevat Hoxha dhe Fatmir Kërleshi.

Akademia mbahet në sallën e Shkollës së Muzikës “Prenk Jakova”, në ora 17:00.

Kryetarja e Komunës së Gjakovës, së bashku me bashkëpunëtorë, në këtë ditë nderimi për dy të rënët në demonstratat e vitit 1990,  në ora 09:00 do të bëjë homazhe në varrezat e Hoxhës dhe Kërleshit, si dhe në vendin e rënies së tyre në lagjen “Gecë”.