Hoti: Unë po kërkoj të largohem nga Gjakova, lëre më tjerët
Komuniteti rom dhe egjiptas në komunën ne Gjakovës, ka mbajtur një takim me përfaqësues të medieve. Me këtë rast, ish lideri i subjektit politikë Iniciativa e Re Demokratike e Kosovës dhe ish deputeti i parlamentit të Kosovës, Bislim Hoti, aktualisht nënkryetar i kësaj partie e cila rreth veti mbledhë kryesisht pjesëtar të komuniteteve RAE, ka thënë se qëllimi i këtij takimi është prezantimi i brengave, lidhur me largimin masovik të pjesëtarëve të komunitetit egjiptian dhe rom nga Kosova, e posaçërisht nga Gjakova.Sipas tij, gjendja e vështirë ekonomike në Kosovës, më së rëndi ka reflektuar tek komunitetet rom dhe egjiptas, pjesëtarët e të cilave komunitete, sipas tij po migrojnë në masë të madhe. Pos kësaj Hoti është shprehur se largimi i pjesëtarëve të këtyre komuniteteve e benë të pa mundur liberalizim e vizave për Kosovaret për një kohë tejet të gjatë, ndërkohë që ka thënë se, nëse ai si lider i egjiptianeve, për shkak të kushteve shumë të vështira është i detyruar të kërkoi mundësi për largimin nga Kosova, mund të paramendohet se në çfarë gjendje janë pjesëtarët tjerë të këtij komuniteti./radiogjakova/
