Kuvendi komunal i Gjakovës, në politikat e tij mbështetëse të zhvillimit ekonomik, gjatë viti 2015 Drejtoria komunale për Zhvillim Ekonomik, për herë të parë ka ndarë një linjë buxhetore të subvencioneve për biznese në lartësi prej 90 mijë euro.

Si jemi njohtuar nga Silvana Domi drejtoresh, komisioni për shqyrtimin e dokumentacionit dhe vlerësimin e bizneseve deri me tash ka pranuar rreth 65 kërkesa për grante nga komuna, ndërkohë që në thirrjen e parë do të shpërndahën gjithësejt 60 mijë euro.

Komisioni i formuar enkas për këte qëllim brenda 10 ditësh do të shqyrtoi të gjitha kërkesat e arritura ndërkohë që deri në fund të muajit do të fillon ndarja e granteve.