Policia e Gjakovës ka arrestuar tre të dyshuar, pasi që të njëjtit kanë sulmuar fizikisht me një mjet të mprehtë-thikë një tjetër person.

Ngjarja ka ndodhur mbrëmjen e së martës rreth orës 20:40 në rrugën “Vëllezërit Frashëri” në Gjakovë.

Viktima ka pësuar lëndime trupore dhe i njëjti është dërguar për tretman mjekësor.

Me urdhër të prokurorit njëri prej të dyshuarve dërgohet në mbajtje ndërsa dy të tjerë lirohen./radiogjakova/