Drejtimi i Mjekësisë së Përgjithshme mbetet më i kërkuari nga nxënësit që duan të regjistrohen në klasën e dhjetë në Shkollën e Mesme të Mjekësisë “Hysni Zajmi” në Gjakovë.

Mbi 200 nxënës kanë konkurruar për 120 vende të lira në këtë drejtim.

Drejtori i kësaj shkolle, Isuf Asllani, tha se institucioni që drejton do të hap dyert për 320 nxënës të rinj në 7 drejtime, por thekson konkurrencën e madhe në drejtimin e mjekësisë së përgjithshme.

Duke pasur parasysh suksesin e nxënësve që kanë aplikuar deri më tani, ai beson se do të plotësohet numri që në afatin e parë.

Drejtori Asallni tha se lista e nxënësve të pranuar do të publikohet të martën./radiogjakova/