Një grup të rinjsh të qytetit të Gjakovës, me iniciator Artan Dervishi, kanë shpërndarë paketa ushqimore dhe higjienike për 13 familje në nevojë në komunën e Gjakovës.

Mobilizmi u bë pas një ftese në rrjetin social “Facebook”. Për 6 ditë u mblodh një shumë e mjaftueshme falë kontributit financiar të individëve të cilët iu përgjigjën ftesës së Dervishit.

Ky i fundit tha se festa e Fiter Bajramit konsiston në ndjenjën e solidaritetit dhe dashurisë ndaj njëri-tjetrit, prandaj duan që dreka e Barjamit të mos gjejë tryeza bosh. Ai ftoi të gjithë njerëzit e vullnetit të mirë që të ndihmojnë familjet në nevojë.

Kjo është hera e dytë që Dervishi me miqtë e tij shpërndajnë paketa ushqimore dhe higjienike, pasi të njëjtën gjë e kishin bërë edhe për festat e fundvitit ku kishin ndihmuar 7 familje./radiogjakova/