Dega e Alternativës në Gjakovës përmes një deklarate thotë se Ministria e Administrimit dhe Pushtetit Lokal iu ka dhënë atyre të drejtë sa i përket vërejtjeve për pjesëmarrjen e përfaqësuesve të opozitës në Komisionin e Aksionarëve të “Ngrohtores së Qytetit”.

Sipas tyre, në këtë komision nuk duhet të ketë vetëm përfaqësues të pushtetit, por edhe nga ata të opozitës si dhe duhet të respektohet përfshirja e gruas.

Gjithashtu, të njëjtin rekomandim për përfshirje të grave, Ministria e Administrimit dhe Pushtetit Lokal e ka dhënë edhe për vendimin e komisionit të aksionarëve të ndërmarrjes publike “Çabrati”.

Ndër të tjera në këtë deklaratë, thuhet se “për tri mbledhje të Asamblesë tri vendime janë kthyer mbrapsht nga Ministria e Administrimit të Pushtetit Lokal”./radiogjakova/