Gjakovë- Dega e Partisë Demokratike të Kosovës në Gjakovë,  pas një procesi të suksesshëm zgjedhor, transparent dhe demokratik, ka zgjedhur edhe kryetaren e Forumit te Gruas Demokratike në Gjakovë.

Në këtë post të rëndësishëm partiak, gjatë katër vjetëve të ardhshme do të qëndroi znj. Arbëresha Kuqi. Pos kësaj nga ky proces doli dhe kryesia e Gruas Demokratike e përbërë nga 15 anëtare. Ne fjalën e saj  përshëndetëse pas zgjedhjes së saj në këtë post, kryetarja e sapozgjedhur Kuqi, ka falënderuar për besimin e dhënë dhe është zotuar se do te jetë bartëse e angazhimeve te përbashkëta, në funksion të ngritjes së rolit të gruas në degën e këtij subjekti politikë në komunën e Gjakovës.

Ndryshe në këtë takim ka marrë pjesë edhe  kryetari i degës Hajdar Beqa, i cili mes tjerash ka thënë se roli i gruas për Partinë Demokratike të Kosovës është tejet i  rëndësishëm në proceset vendimmarrëse, dhe e gjithë kjo kërkon një angazhim të gjithëmbarshëm të gruas demokratike në Gjakovë./radiogjakova/