Gjakovë- Motrat Dafina dhe Laura Shllaku nga Gjakova, studente të arkitekturës në Universitetin e Prishtinës, gjatë këtij muaji në selinë e Kombeve të Bashkuara në Nju Jork, do të bëjnë prezantimin e projektit me të cilin ditë më pare kishin zënë vendin e dytë në konkursin në të cilin kanë marrë pjesë student të arkitekturës nga e mbarë bota.

Në projektin e tyre, këto dy arkitekte të ardhshme, kanë trajtuar riorganizimin e parkut ekzistues në Gjakovë dhe rregullimin e hapësirave publike, për të krijuar një jetë më të mire për qytetarët. “Gjakovën e kemi zgjedhur për shkak të traditës që ka ky qytet, ndërkohë që në fokus kemi  pas  krijimin  e zgjidhjeve të veçanta për integrimin e të gjitha moshave në shoqëri duke ruajtur traditën dhe duke e pasqyruar atë tek të gjithë qytetarët”, kanë thënë motrat Shllaku.

Ndryshe, kjo është hera e parë që në këtë konkurs paraqitën student të arkitekturës nga Universiteti i Kosovës./radiogjakova/