Kuvendi i Komunës së Gjakovës nga 4 deri me 11 shtator të këtij viti , do të organizojë serinë e dëgjimeve buxhetore me publikun e gjërë në të gjitha rajonet e komunës.

Qëllimi i këtij bashkëbisedimi me qytetarë është bashkërendimi i mendimeve dhe ideve kur është fjala tek caktimi i prioriteteve gjatë realizimit të projekteve të parapara kapitale, përkatësisht në këto dëgjime publike do të shqyrtohen kërkesat dhe prioritetet e investimeve gjatë planifikimit të buxhetit.

Seria e dëgjimeve buxhetore me publikun në komunën e Gjakovës, do të nis me 4 shtator në Skivjan dhe Novosellë për të përfunduar të hënën me 11 shtator me dëgjimin final i cili do të mbahët në sallën e madhe të Kuvendit të Komunës së Gjakovës.

Nisur nga rëndësia që ka ndarja e buxhetit, kreu komunal fton qytetarët që ti përgjigjën ftesës për pjesëmarrje në këto debate./radiogjakova/