Ka filluar të dëmtohet ura e cila ndodhet mbi lumin Krena në brendi të qytetit në Gjakovë, në afërsi të Shkollës së Muzikës “Prenk Jakova”.

Lidhur me këtë, shqetësimin e tyre e kanë ngritur familjet e shumta të cilat jetojnë në afërsi të urës në fjalë si dhe familjarë të nxënësve të shkollës së muzikës.

Në nismë të kësaj ure nga ana e shkollës së muzikës, është hapur një gropë e madhe e cila kërcënon kalimtarët e pa vëmendshëm, ndërkohë që të gjithë ata të cilët kalojnë mbi këte urë, numri i të cilëve është shumë i madh, meqë bëhet fjalë për një rrugë mjaftë të frekuentueshme.

Po ashtu, ekzsiton frika nga dëmtimi i bazamentit të urës, përkatësisht nga mundësia e rrënimit eventual të një pjese të saj, gjë e cila mund të ketë pasoja të rënda.

Kaltrina Biblekaj, drejtoreshë e Shërbimeve Publike në Gjakovë, brenda javës pritet të shpallet tenderi për sanimin e urave në territorin e komunës së Gjakovës dhe në këte kuadër do të bëhën përpjekje për përfshirjën edhe për sanimin e urës në fjalë.

Ndryshe, kohë më parë me iniciativë dhe investim të familjeve të cilat jetojnë në afërsi të urës është ndërtuar aneksi për këmbësorë në mënyrë që të ngritet siguria e shfrytzuesve të kësaj ure./radiogjakova/