Gjakovë- Një qytetari të komunitetit RAE, që jeton në paralagjen e qytetit në Brekoc, i është djegur në tërësi shtëpia, duke bërë kështu që ai dhe familja e tij të mbesin nën qiellin e hapur.

Zjarri që dyshohet se është shkaktuar si pasojë e defekteve në rrjetin e energjisë elektrike e ka shkatërruar në tërësi shtëpinë e Ramadanit, e gjithashtu nga zjarri është djegur gjithçka që ai ka pasur në shtëpi.

Ramadan Halili thotë se për shkak të kushteve të rënda financiare ai dhe familja e tij nuk kanë mundësi ta rindërtojnë shtëpinë, prandaj ka kërkuar nga të gjithë ata që kanë mundësi që t’i ndihmojnë që të mos mbetet në rrugë.

Nga ana tjetër, zyrtarë komunal kanë thënë se do t’i shikojnë të gjitha mundësitë që në një afat të shkurtër kohor ta gjejnë një zgjidhje e t’i ndihmojnë kësaj familje./radiogjakova/