Komuna e Gjakovës përmes skemës së investimeve kapitale të Drejtorisë së Bujqësisë e Zhvillimit Rural, të mërkurën zyrtarisht funksionalizoi qendrën grumbulluese të qumështit në fshatin Novosellë e Ulët.

Për këtë qendër, Drejtoria e Bujqësisë ka investuar një shumë prej mbi 15 mijë euro. Këto mjete janë përdorur në ndërtimin e objektit i cili ka kushtuar rreth 10 mijë euro, ndërsa pjesa tjetër e mjeteve rreth prej 6 mijë janë përdorur për kompletimin e tij me pajisje të domosdoshme pune, ku përfshihet kompleti prej shtatë pajisjeve për qumështari.

Në këtë qendër kapaciteti i grumbullimit të qumështit është 1 mijë litra në ditë dhe punësimi i minimum dy personave.

Qendra do të menaxhohet nga banorët e bashkësisë lokale të cilët do të angazhojnë fermerët e rajonit duke u mundësuar grumbullimin e qumështit nga kjo zonë./radiogjakova/