Policia në Gjakovë ka arrestuar 3 persona të moshës 22, 19 dhe 15-vjeç pasi ditë më parë kishin grabitur tri vajza me qëndrim të përkohshëm në Gjermani.

Të ndaluarit, Q.G., A.M., dhe D.G., kishin marr me forcë telefona mobil dhe një shumë parash. Njëra nga viktimat ka pësuar edhe lëndime të lehta trupore për të cilat ka marr edhe tretman mjekësor.

Pas arrestimit, të dyshuarve u janë gjetur gjërat e grabitura të cilat i janë kthyer të dëmtuarave.

Dy personave të moshës madhore me urdhër të prokurorit të shtetit ju është caktuar masa e ndalimit policor ndërsa personi i mitur për shkak  të moshës është liruar në procedurë të rregullt.

Po ashtu, një 27-vjeçar do të akuzohet për lajmërim të rreme pasi ka mashtruar policinë kur ka raportuar se ishte ndaluar nga persona të maskuar të cilët nën kërcënimin e armëve i kishin grabitur një shumë parash./radiogjakova/