Aktori gjakovar Besfort Berberi do të luajë rolin kryesor, atë të Tartufit, në komedinë me të njëjtin emër që do të shfaqet më 15 shtator në Teatrin “Migjeni” të Shkodrës. 

Komedia “Tartufi” nga Molieri që vjen nga regjisori shqiptar nga Maqedonia, Kushtrim Bekteshi, sjell për herë të parë në Shkodër një bashkëpunim të gjerë kombëtar duke bashkuar të gjitha trojet shqiptare, Kosovë, Maqedoni dhe Mal të Zi.

Regjisori Bekteshi ka thënë se kjo shfaqje në thelb të kritikës së tij ka luftën ndaj hipokrizisë e fshehur në shumë shtresa shoqërore, si ato fetare, politike dhe akademike./radiogjakova/