Gjakovë- Rreth 24 vite më parë, Fatmir Kërleshi dhe Xhevat Hoxha në mesin e qindra protestuesve që po kundërshtonin hegjemonizmin e pushtetit të atëhershëm serb, u vranë nga dora barbare e policisë, në dimrin e vitit 1990.

Me guximin, trimërinë dhe heroizmin e tyre, ata u rreshtuan në mesin e dallëndysheve të para të lirisë së Kosovës. U flijuan duke kërkuar barazi me popujt tjerë të ish-Jugosllavisë dhe njohje të Republikës së Kosovës.

Nën patronatin e kryetares Kusari-Lila janë paraparë të bëhen homazhe dhe të mbahet një akademi përkujtimore pasditen e së premtes./radiogjakova/