Në prag të festave të fundvitit Radio Gjakova të shtunën mbrëma organizoi manifestimin tradicional të radiove, “Radiofest 2017”.

Cmimi i parë për reportazh i takoi Radio Kukësit për “Vallen e Kukësit” me autor Jonuz Hallaçin.

Për raport radiofonik çmimin e parë e mori Radio Shkodra, ndërsa për spot publicitar më e mira ishte Radio Plus nga Prishtina.

Zëri më i mirë mashkull u shpall zëri i gazetarit Agim Xheka nga Radio Tirana ndërsa folësja femër me zërin më të mirë u shpall Yllka Ponde nga Radio Gjirokastra.

Edhe në këtë edicion morën pjesë rreth 30 radio nga të gjitha trevat shqiptare, përfaqësuesit e radiostacioneve nga Tirana, Prishtina, Shkupi, Ulqini, Mitrovica, Shkodra, Prizreni, Vlora, Ferizaj, Elbasani, Peja, Lushnja, Kukesi, Podujeva, Fieri, Istogu, Klina dhe Gjakova nikoqire.

Ceremonia e ndarjes së çmimeve të radiofestit, ku ishte i pranishëm edhe kryetari komunës Ardian Gjini, Jetmir Shpuza drejtor i radio televizioneve të Shqipërisë dhe mysafirë të tjerë, u shoqërua me një program artistik./radiogjakova/