Kryetarja e komunës së Gjakovës, Mimoza Kusari-Lila, po merr pjesë në Kongresin e 12 botëror – Metropolis, i cili po mbahet në Montreal të Kanadasë me temën “Sfidat globale, qytetet kryesore në aksion”.

Kryetarja Kusari-Lila ka falënderuar organizatorët e kongresit Metropolis për ftesën e bërë si dhe mbështetjen e organizatës NDI Women për pjesëmarrjen.

Ajo, si kryetare e Gjakovës dhe përfaqësuese e Kosovës do të marr pjesë edhe në panelin e së enjtes ku  do të jenë të pranishëm edhe kryetari i Montreal,  Denis Coderre, zv/Presidenti i zonës Metropolitane të Barcelonës,  Alfred Bosch si dhe udhëheqës të tjerë lokal për të frymëzuar ndryshimet e domosdoshme globale për shoqëri të qëndrueshme.

Gjatë kësaj vizite në Kanada, kryetarja Mimoza Kusari-Lila do të qëndrojë edhe në Toronto dhe në fund të qëndrimit në Kanada , do të takohet  me rrjetin e biznesit dhe komunitetin e diasporës në Hamilton, ku janë përqendruar afro 5 mijë kosovarë. /radiogjakova/