Pas përfundimit të procesit të dëgjimit publik të buxhetit për vitin 2018, mënyra e ndarjes përkatësisht shpenzimit të këtij buxhetit ka qenë pike trajtimi edhe në mbledhjen e së nartës të Komitetit për Politikë dhe Financa në Kuvendin komunal të Gjakovës.

Pas diskutimeve të bëra, anëtarët e Komitetit kanë aprovuar për miratim në Asamblenë komunale buxhetin për vitin 2018.

Pjesë e këtij takimi ka qenë edhe Raportit i Punës së Ngrohtores së Qytetit për vitin 2016. Këtë raport e ka prezantuar kryetarja e grupit të aksionerëve, Nora Dobruna, e cila e ka vlerësuar pozitivisht afarizmin e këtij institucioni ngrohës.

Vlerësimet dhe vërejtjet e tyre lidhur me punën e Ngrohtores së 1ytetit në Gjakovë, i kanë parashtruar Sevdije Haxhibeqiri nga Alternativa dhe Saranda Hyseni nga AAK të cilat kanë marrë sqarime plotësuese nga drejtori i Ngrohtores Admir Shala.

Në vazhdim të mbledhjes së Komitetit për Politikë dhe Financa në Kuvendin Komunal të Gjakovës, është shqyrtuar edhe Plani i Veprimit lokal Rinor 2018-2020 , ndërkohë që anëtarët e këtij komiteti kanë aprovuar ndryshimin e statutit të Teatrit të Qytetit në Gjakovë.