Në Universitetit “Fehmi Agani” në Gjakovë, sot eshte mbajtur provimi pranues për studentë të vitit akademik 2016-2017, ku për një ulëse, në 6 programe të këtij universiteti, kanë konkurruar 2 kandidatë. Shaban Buza, rektor, për Radio Gjakovën ka thënë se është shtuar numri i studentëve për këtë vit akademik, që është një lajm i mirë për studentë të ardhshëm. Më saktësisht, në vitin akademik 2016-2017, në Universitetin “Fehmi Agani” në Gjakovë do të pranohen 540 studentë të rinj, ndërkohë që ky numër do të rritet meqë sipas vendimit të Ministrisë së Arsimit , Shkencës dhe Teknologjisë, atij mundë ti shtohen edhe 12 përqind të studentëve nga popullata jo-shumicë, 5 përqind vende janë të parapara për student potencial nga Mali i Zi dhe Lugina e Preshevës, si dhe 2 përqind për fëmijë të dëshmorëve. Sipas rektorit Buza, interesimi më i madh mbretëron për drejtimin për edukim fillor dhe parashkollor si dhe drejtimin e infermierisë, ku për një vend të lire kanë konkurruar mbi 3 studentë potencial. Në vitin e ri akademik 2016-2017 nuk do të ketë mundësi regjistrimi në programin Gjuhë dhe Letërsi Angleze. Sipas rektorit Buza, një gjë e tillë është pasojë e mungesës së stafit akademik të kërkuar nga ministria.