Të premten, në paralagjen e qytetit Brekoc është vënë gurthemeli për fillimin e punimeve në ndërtimin e qendrës grumbulluese te mjaltës e cila përfshinë edhe hapësirat trajnuese.

Ky investim është në kuadër te skemës se investimeve kapitale të Drejtorisë së Bujqësisë dhe kap vlerën investive prej rreth 50 mijë euro.

Në një ceremoni që është organizuar me këtë rast, kanë marrë pjesë edhe nënkryetari i komunës, Armend Vokshi i cili tha se është shumë i lumtur që komuna e Gjakovës po ndikon në avancimin e sektorit të bujqësisë duke u mundësuar fermerëve të mjaltit që të kenë kushte më të mira të punës.

Pjesë e këtij projekti është edhe funksionalizimi i kësaj qendre grumbulluese e cila do të ketë pajisjet adekuate që do t’ju hyjë në punë bletarëve të komunës së Gjakovës, si paketuese të mjaltës e kapacitetit dozues, tavolinat e punës, centrifuga elektrike , peshore si dhe pasije të tjera që hynë në punë për bletarët.

Drejtori për Bujqësi në Kuvendin e komunës së Gjakovës, Bekim Ermeni tha se zyra e prokurimit është duke i vazhduar procedurat e përzgjedhjes se operatorit ekonomik i cili do të furnizojë qendrën me pajisje që sipas tij do të jenë shumë moderne. Ai tha se pret që kjo qendër të kompletohet deri në fund të muajit tetor.

Në komunën e Gjakovës janë rreth 200 bletarë. Kryetari i shoqatës së bletarëve “Flora” e cila mbledhë pjesën më të madhe të bletarëve të komunës së Gjakovës, Florin Dautaga tha se është shumë i lumtur që po jetësohet një kërkesë e kamotshme e bletarëve të Gjakovës./radiogjakova/