Kryeprokurori i Shtetit, Aleksandër Lumezi, ka mbajtur takim pune me kryeprokurorët e prokurorive Themelore, Prokurorisë Speciale dhe Prokurorisë së Apelit.

Në këtë takim ishte edhe Ali Selimaj, kryeprokuror i Prokurisë Themelore të Gjakovës.

Ky i fundit raportoi se se për muajt maj, qershor korrik dhe gusht 2017 Prokuroria Themelore në Gjakovë ka pranuar në punë 730 lëndë dhe ka përfunduar 720.

Nga ky raport u konstatua se gjatë këtyre katër muajve ka pasur rezultate të mira të punës dhe rritje të efikasitetit të punës.

Kryeprokurori i shtetit, Lumezi i kërkoi Selimajt dhe kryeprokurorëve të tjerë që t’i trajtojnë me prioritet dhe t’i kushtojnë vëmendje të veçantë rasteve që ndërlidhen me zgjedhjet, listat e veteranëve të UÇK-së, si dhe korrupsionit./radiogjakova/