Në kuadër të Ditëve të Diasporës dhe 5-vjetorit të ndarjes nga jeta të poetit të madh Ali Podrimja,  të enjten në Gjakovë është bërë   promovimi i librit me titull  “Ali Podrimja – in Memoriam”, të autorit Dino Koubatis, përkthyer  nga Iliaz Bobaj.

Në fjalën e tij recensenti i këtij libri, Muharrem Kurti, ka thënë se i gjithë libri është shkruar me pasion dhe dashuri për poetin emblematik kombëtar nga Gjakova, Podrimja, si dhe për letërsinë shqipe në përgjithësi e në veçanti për Kosovën dhe Gjakovën.

Në anën tjetër, autori i librit, “ Ali Podrimja – In Memoriam”, Kubatis, është shprehur se “këtë libër të vogël, të vlefshëm të fjalës, e krijoj nevoja e kujtimit të një poeti të madh të botës dhe një miku të madh, në vend të një kurore nderimi, si një ekstrakt të një pikëze loti”.

Ndryshe,  librit me titull  “Ali Podrimja – in Memoriam”, të autorit Dino Koubatis, është botuar në gjuhën shqipe, ndërkohë në gjuhën origjinale, greke, pritet të botohet gjatë vitit të ardhshëm./radiogjakova/