Qendra kryesore e vaksinimit dhe këshillimorja prej javës së ardhshme do të zhvendosen në Qendrën Familjare në Çabrat e cila ndodhet afër objektit të Fakultetit të Edukimit në lagjen e Gërqarëve.

Në fakt, qendra e vaksinimit prej disa muajsh ka funksionuar në Qendrën e Mjekësisë Familjare në Orize.

Mirëpo, ky ndërrim vendi po bëhet pasi ambientet në qendrën në Orize, sipas udhëheqësve të Qendrës Kryesore të Mjekësisë Familjare, tash e tutje do të shërbejë si Qendër për Edukimin për Diabet dhe Hipertension.

Funksionimi i qendrës së vaksinimit dhe këshillimorja në ambientet e Qendrës Familjare në Çabrat, do të bëhet nga dita e hënë./radiogjakova/