Edhe pse është lëshuar në punë, ende nuk kanë përfunduar punimet në renovimin e tërësishëm të objektit të Qendrës Kryesore të Mjekësisë Familjare në Gjakovë. Si jemi njoftuar nga, Basri Komoni, drejtor i Drejtorisë komunale për Shëndetësi dhe Mirëqenie Sociale, ka mbetur pa u rinovuar etazhi i dytë i këtij objekti, përkatësisht  Reparti  për Shërbime Sekondare Stomatologjike, i cili në këtë situatë është i shpërndarë nëpër Qendra të Mjekësisë Familjare në qytet, si dhe Administrata.

Sipas Komonit, renovimi kishte filluar në muajin shtator të vitit të kaluar, ndërkohë që operatori ekonomik i angazhuar në këtë punë, nuk kishte arritur që atë ta përfundoi brenda afatit të paraparë. E gjithë kjo ka determinuar shpalljen e një tenderi të ri për këtë qëllim.

Drejtori Komoni ka thënë se aktualisht është duke u bërë përgatitja e dokumentacionit përkatës pas të cilit do të hapet tenderi, e më pastaj, pas shqyrtimit të ofertave pritet të rifilloi renovimi i etazhit të dytë të QKMF-së në Gjakovë.

Ndryshe,  renovimi i këtij objekti shumë të rëndësishëm shëndetësor në komunën e Gjakovës, është përcjell me debate të shumta si dhe takime me qytetar të organizuara për këtë qëllim./radiogjakova/