Së shpejti qendra e qytetit me rreth-rrotullim
Në kuadër të zgjerimit të hyrje daljeve të qytetit dhe në kaudër të projektimit të unazës së jashtme dhe të brendshme të Gjakovës, sivjet pritet të fillojnë punimet për zgjerimin e rrugës në drejtim të Pejës, përkatësisht segmentin prej qendrës së qytetit deri tek Instituti Kombëtar i Shëndetit Publik, apo ish–fabrika “Emin Duraku”.
Punimet për zgjerimin e kësaj rruge bashkë edhe me ndërtimin e rreth-rrotullimit në qendër të qytetit, pritet të nisin muajin e ardhshëm përkatësisht në shtator. Nisjen e punimeve e ka konfirmuar edhe Ali tafarshiku, këshilltar i kryetares së Gjakovës
Ndryshe, përveç këtij projekti që është në fazen fillestare, Tafarshiku ka bërë të ditur se eksperët e komunës tashmë i kanë hartuar projektet për zgjerimit e të gjitha hyrje–daljeve të qytetit dhe ndërtimin e unazës së brendshme dhe asaj të jashtme, projekte për të cilat tashmë ka mbetur vetëm sigurimi i donatorëve.