Me datë 30 shtator të këtij viti përfundon marrëveshja e mirëkuptimit e nënshkruar ndërmjet Universitetit të Gjakovës “Fehmi Agani” dhe Universitetit të Prishtinës, marrëveshtje kjo e realizuar me ndërmjetësimin e Ministrisë së Arsimit, Shkencës dhe Teknologjisë së Kosovës.

Bazuar në kushtet e kësaj marrëveshje, Universiteti i Gjakovës, bënë të ditur se studentët e njësive akademike të Univesitetit të Prishtinës, përkatësisht të Fakulteti të Edukimit, Filologjisë dhe Mjekësisë, se te gjithë ata studentë që nuk arrijnë të diplomojnë deri më 30 shtator, përkatësisht brenda 18 ditëve në vazhdim, duhet të transferohen në programet e njëjta në kuadër të fakulteteve përkatëse në Universitetin “Fehmi Agani” në Gjakovë.

Të gjithë ata duhet të paraqesin kërkesat e tyre në afat sa më të shkurtër kohor për vazhdim të studimeve në institucionin më të lartë arsimor në komunën tonë./radiogjakova/