Gjakovë- Njësitë policore të hetimeve nga stacioni policor në Gjakovë, pas një pune intenzive operativo-hetimore kanë arritur të zbulojnë, identifikojnë dhe arrestojnë tre persona të dyshuar për veprën penale “Vjedhje e rëndë”.

Gjatë procedurës së intervistimit të tyre nga hetuesit policor, të njëjtit kanë pranuar se në bashkëveprim me disa të dyshuar tjerë të arrestuar më heret e që gjinden në paraburgim , kishin kryer mbi 15 vepra penale te vjedhjes së rëndë, ku jan thyer dhe vjedhur në shumicen e rasteve shtëpi dhe banesa, me ç’ rast janë vjedhur televizor, stoli ari, mjete te ndryshme teknike , telefon ,armë si dhe gjesende tjera me vlerë. Te arrestuar janë te dyshuarit K. B. , 27 vjeqar, N.C 20 vjeqar dhe A. L 20 vjeqar, që të tre nga Gjakova.

Ky i fundit i është i arrestuar në cilësisnë e të dyshuarit për pranim të gjësendeve të vjedhura dhe për veprën |Mbajtëje në pronësi , kontrollë të pa autorizuar të armës”. I njëjti me urdhër të prokurorit të shtetit pas intervistimit është liruar në procedurë të rregullt

Arrestimi i të dyshuarve është bërë bazuar në prova dhe dëshmi të mbledhura dhe të gjeturave tjera, gjësendeve të cilat janë konfiskuar gjatë kontrollit të shtëpive dhe vendeve ndihmëse. Po ashtu janë gjetur dhe konfiskuar edhe dy armë të vjedhura në dy shtëpi , një pushkë gjuetie si dhe një AK-47 me disa fishek të cal.7.62×39.

Në koordinim me Prokurorin e shtetit janë ndërmarrë masat e nevojshme dhe të dyshuarve K.B. dhe N.C me vendim ju caktohet masa e ndalimit policor në afat prej 48 orësh , dhe me kohë do të dërgohet Kallzimi penal në kompetencë të Prokurorisë kompetente , në mënyrë që të dyshuarit të dërgohen para gjyqtarit kompetent.