Çiklisti bullgar Stanimir Colakov ishte fitues i etapës së dytë të garës “Tour de Kosovo”, etapë kjo që u përfundoi të premten pasdite në Gjakovë.

Kjo etapë me gjatësi të shtegut 140 kilometra ishte shumë e mundimshme, ndërsa tre çiklistë nuk arritën të përfundojnë garën për shkak se u rrëzuan rrugës.

Ndërsa paraditën e së shtunës nisi etapa e tretë e kësaj gare. Çiklistët pjesëmarrës u nisën nga qendra e qytetit të Gjakovës për të vazhduar në relacionin Gllarevë-Malishevë-Duhle dhe Landovicë.

Në këtë etapë garon edhe çiklisti gjakovar Zani Sylhasi që përfaqëson Kosovën.

Kryetari i Federatës së Çiklizmit të Kosovës, Avni Nuha, në një prononcim për Radio Gjakovën, tha se gjithçka po shkon sipas planit, ndërsa uron që çiklistët e Kosovës të mund të triumfojnë në këtë etapë./radiogjakova/