Dëshira për t’u prezantuar nga afër dhe për të takuar lojtarët përpara se të vijnë në grumbullim ka bërë që trajneri i ri i Kombëtares shqiptare, Christian Panucci të nisë turin e fluturimeve nëpër Europë.

Destinacioni i radhës për trajnerin kuqezi ka qenë Fraiburgu, ku skuadra e qytetit ka zhvilluar një ndeshje testuese me Torinon.

Vetëm tri ditë më parë, ky ekip u eliminua në Europa Ligë dhe Amir Abrashi ishte në fushë përgjatë 90 minutave. Kjo ka bërë që mesfushori i përfaqësueses ta niste takimin vetëm pas minutës së 83-të.

Në këtë mënyrë, vizita e trajnerit të Kombëtares në stadium ka shërbyer vetëm për takimin dhe për të folur me lojtarin, pasi në fushë ka pasur mundësi të shohë pak./ps/