Vlerësohet puna e Fuad Zherkës në Suedi
Landskrona, SUEDI- Muaj më parë në mediat e shkruara dhe elektronike keni pasur rastin të lexoni për “gjakovarin që bëri historinë në Suedi”, ku flitet për vepren e Fuad Zherkës i cili realizoi harten e Suedisë, tashmë simbol i qytetit të Landskronas.
Ditë më parë, Zherkës i është rezervuar një pirtje e veçantë nga kryebashkiaku i Landskronas, Lennart Söderberg ku është nderuar më një diplomë dhe një shpërblim prej 10 mijë krunash për punen e tij.
I kontaktuar nga Radio Gjakova, Zherka është shprehur tejet i lumtur që kontributi i tij në 600-vjetorin e krijimit të Landskronas është vlerësuar kaq shumë. “U ndjeva shumë i priviligjuar nga ngrohtësia e komunës dhe kur pash se ajo ceremoni ishte organizuar veç per mua”, tha Zherka, që në Gjakovë njihet edhe si Laqi.
Ai gjithashtu tha se kryebashkiaku Söderberg në emër të insititucionit u shpreh i gtashëm të bashkëpunojë me të edhe në të ardhmen, ndërsa i kanë ofruar edhe një vend pune.
Por, më tepër se kaq, Laqi është gëzuar për diçka tjetër. “Me këtë vepër dërgova në vend amanetin e babait tim Hajrullah Zherka i cili më thoshte gjithmonë: Kudo që të shkosh, mundohu të lësh gjurmë”, tha në fund Zherka./radiogjakova/