Hendbollistët e Vëllaznimit kanë pësuar humbje të thellë 26:42 në miqësoren kundër Prishtinës që është luajtur të hënën mbrëm në Pallatin e Sporteve “Shani Nushi”.

Takimi në tërësi është dominuar nga skuadra mysafire të cilët kanë treguar superioritet ndaj kuqezinjve. Në klubin e hendbollit Vëllaznimi thanë se ky takim nxori në pah mangësitë si kondicionale, ashtu edhe taktike.

Megjithatë, në ekipin gjakovar janë të bindur se me ritmin aktual të punës dhe mbështetjen e sponsorëve e tifozëve do të arrijnë të realizojnë objektivat e këtij sezoni./radiogjakova/