Gjakovë- Dega e AKR-së në Gjakovë vazhdon shtrirjen e saj edhe në Nivokaz të Gjakovës.

Në pasditen e së martes në këtë fshat kjo parti e ka formuar nëndegën, me ç’rast përpos zhvillimit të punimeve të kuvendit zgjedhor të kësaj nëndege, kishte edhe anëtarësime të reja të banorëve të cilët u bashkuan drejt qëllimit dhe vizionit për zhvillimin e Komunës së Gjakovës.

Kryetar i nëndegës së Nivokazit me vota unanime u zgjodh Endrit Ahmeti, nënkryetar Hasan Rexha dhe Mergim Hasani, kurse sekretar Valon Ahmeti. Në fund të këtij kuvendi u zgjodh edhe kryesia e nëndegës prej 21 anëtarëve./radiogjakova/