Dëmtohen materialet e marketingut të Kusari-Lilës, reagon AKR-ja
Gjakovë- Shtabi elektoral i kandidatës për kryetare të komunës së Gjakovës nga rradhët e AKR-së, përmes një reagimi dërguar mediave kanë dënuar dëmtimin e materialit të marketingut të Mimoza Kusari-Lilës.
AKR-ja ka bërë përgjegjës militantët e AAK-së dhe të kandidatit të kësaj partie, Pal Lekajt.
Më poshtë po ju sjellim reagimin e plotë të Zyrës për Informim të AKR-së./radiogjakova/
REAGIM
Në ditën kur të gjithë qytetarët e Komunës së Gjakovës po pushojnë dhe po festojnë Kurban Bajramin, të vetmit që kanë “punuar” ishin militantët e AAK-së dhe përkrahësit e Pal Lekes të cilët në mënyrë të vrazhdë kanë vazhduar ta dëmtojnë të gjithë materialin e marketingut të znj.Mimoza Kusari Lila.
Nga gjithë këto veprime të pandërgjegjshme qytetarët e Gjakovës ashtu edhe AKR kupton vetëm një gjë, që humbja e AAK-së dhe e kandidatit të kësaj partie Pal Lekes është e sigurtë.
AKR Dega në Gjakovë ka kontaktuar menjëherë edhe me firmën kontraktuese të marketingut të cilët menjëherë kanë dalur në terren për t’i riparuar dëmet e shkaktuara nga militantët e egër të AAK-së.
Tashmë egziston një pasqyre shumë e qartë rreth mënyrave se si po tentohet të dhunohet një proces që duhet të jetë i lirë dhe demokratik.
Bashkangjitur gjeni fotot nga aksioni i shëmtuar i militantëve të Pal Lekes në një ditë feste kur znj.Mimoza Kusari Lila dhe AKR ka pezulluar cdo aktivitet elektoral vetëm e vetëm që qytetarët të festojnë pa presione politike.
Zyra per Informim AKR-Gjakove