Gjakovë- Ballafaqimi më interesant i javës së 10-të të Superligës së meshkujve në hendboll zhvillohet të shtunën mbrëma në palestrën sportive ‘Shani Nushi ‘ në Gjakovë.

Vëllaznimi e përforcuar me të  rikthyerit në klub Arbër Curri, Besmir Kusari, Endrit Peja dhe “legjionarët”  Hamëz  Gjuka dhe Valbon Shala, do të përballët me skuadrën  vushtrriase Kosova, e cila në këtë edicion të garave  ka hyrë e dobësuar pa strategun  e mirënjohur  Skender Sahiti dhe lojtarët Hektor dhe Alban Dobroshi, Riste Trajkovski dhe Rijad Shabanaj që aderuan në skuadrat tjera kosovare.

Prandaj me të drejt pritet një takim i rrallë dhe cilësor dhe gjithsesi i nivelizuar, duke u bazuar në komponentët e theksuara më lartë, dhe forma momentale mund të vendos takimin, duke e ditur se skuadrat kanë rivalitet të lartë.

Vëllaznimi – Kosova, ora 18:00, palestra “Shani Nushi”./radiogjakova/