Të mërkurën nis faza e tretë dhe e fundit e Superligës së Kosovës në futboll.

Ekipi i Vëllaznimit do të synojë të sigurojë qëndrimin në elitën e futbollit kosovar dhe të shmang pozitën aktuale në klasifikim që të dërgon në barazh.

Kuqezinjtë nuk kanë kalendar të favorshëm pasi në 11 ndeshje të kësaj faze, 6 prej tyre i luajnë në terren të huaj.

Ekipi i Arsim Gojanit e nis të mërkurën në Prizren në ndeshjen derbi të Dukagjinit kundër Lirisë.

Skuadra nga Prizreni po kalon në një formë të mirë pasi ka 3 fitore ne 4 ndeshjet e fundit në kampionat, ndryshe nga Vëllaznimi që ka vetëm 1 fitore në po aq ndeshje.

Mirëpo, përballjet ndërmjet Lirisë e Vëllaznimit kanë ngjallur gjithmonë interesimin e tifozërisë dhe njëjtë pritet të jetë edhe të mërkurën.

Kjo ndeshje fillon prej orës 14:00, ndërsa gjyqtar kryesor i këtij takimi do të jetë Fatmir Tahiri./radiogjakova/

Orarin dhe ndeshjet për 11 xhirot e fazës së tretë i gjeni më poshtë: