Skuadra gjakovare e futsallit, Liburn, ka mësuar emrat e kundërshtarëve me të cilët do të përballet në fazën preliminare të UEFA Futsall Cup.

Shorti i hedhur të enjten në Nyon të Zvicrës ka caktuar Liburnin në Grupin B, bashkë me skuadrën e Titogradit nga Mali Zi, atë të Vytis nga Lituania si dhe Diferdanga e Luksemburgut.

Ndeshjet e grupit ku bënë pjesë skuadra gjakovare do të luhen në Luksemburg, pasi kërkesa e Liburnit që ato të zhvillohen në Gjakovë është hedhur poshtë nga UEFA për arsye sigurie.

Ndeshjet preliminare, Liburni do t’i zhvillojë nga data 22 deri më 27 gusht, ndërsa vetëm fituesi i grupit do të kalojë në raudin tjetër./radiogjakova/