Një pjesë e madhe e llambave elektrike në parkun kryesor të qytetit të Gjakovës nuk janë duke funksionuar tash e një kohë të gjatë, duke bërë që shumë staza të ecjes, por në veçanti edhe këndi i lojërave për fëmijë, të mbesin pa ndriçim.

Këtë situatë në Drejtorinë e Shërbimeve Publike e arsyetojnë me problemet që ka në rrjetin elektrik të parkut, të cilat nuk kanë mundur të zgjidhen.

Për këtë arsye këto ditë Komuna e Gjakovës ka vendosur reflektorë në çatinë objektit të Pallatit të Kulturës përmes të cilëve të bëhet ndriçimi i përkohshëm i parkut, deri në një zgjidhje për rregullimin e ndriçimit publik në këtë park, për të cilën thanë se janë duke punuar./radiogjakova/