.
Published On: Wed, Dec 14th, 2016

Komuna e Gjakovës binjakëzohet me Fort Dodge te shtetit Iowa-SHBA

Share This
Tags

Komuna e Gjakovës e ka edhe një komunë mike në Shtetet e bashkuara të Amerikës. Fort Dodge e shtetit Iowa është komuna e binjakëzuar me Gjakovën ngase dje në këtë qytet është nënshkruar marrëveshja e binjakëzimit nga dy Kryetarët e komunave, Mimoza Kusari – Lila dhe Matt Bemrich. Kjo marrëveshje është vazhdimësi e bashkëpunimit në mes të institucioneve të Kosovës dhe institucioneve të shtetit të Iowa, që kishte nisur para gjashtë viteve në mes të Forcës së Sigurisë të Kosovës dhe Gardës kombëtarë të Ioëa-s. Sipas zyrës për informim, kryetarja Kusari Lila është shprehur se “në rrafshin e bashkëpunimit të komunave, është privilegj për Gjakovën që të thelloi bashkëpunimin në ekonomi, edukim, kulturë dhe qeverisje të mirë. Fort Dodge dhe Gjakova kanë shumë elemente të përbashkëta. Të dy komunat kanë qenë dikur të zhvilluara industrialisht dhe pastaj janë ballafaquar me rënie të theksuar dhe depresion.” Fort Dodge njëjtë sikur Gjakova, ka në territorin e saj aeroportin, operimi i të cilit fokusohet në fasilitimin e transportit të kompanive të cilat veprojnë në këtë qytet amerikan dhe nxitjen e transportit komercial me qytetet e shteteve fqinje të Iowa-s. Gjithashtu, gjendet kolegji dy vjeçar, me programe të aftësimit profesional-industrial dhe disa programe tjera të përbashkëta me atë në Universitetin e Gjakovës, siç është infermieria. Gjatë takimit janë identifikuar fushat e bashkëpunimit për projektet e përbashkëta në të mirë të dy komunave. Kryetari i Fort Dodge me bashkëpunëtorë dhe një delegacion biznesi planifikon vizitën në Gjakovë në Qershor të vitit të ardhshëm.