Radio Gjakova për herë të 12-të ishte nikoqire e radiostacioneve nga Kosova, Shqipëria, Mali Zi, dhe Lugina e Preshevës të cilat me krijimtarinë radiofonike erdhën në festivalin Radiofest. Radiot pjesëmarrëse edhe në këtë festival kanë konkuruar me reportazhe që i dedikohen trashëgimisë kulturore, pastaj me raporte radiofonike dhe spote publicitare. Krijimtarite e realizuara u vleresuan nga juria ne perberja nga njerez me eksperience ne fushen e medias, Nexhemdin Syla (Nju Jork), Engjell Serjani ( Gjirokaster) dhe Nderim Neziri ( Prishtine).
Fitues i çmimit të parë në radioreportazh u shpall Radio Alba nga Klina te dytin Radio Shkodra, kurse me te tretin Radio Lushnja. Në raport radiofonik fituese e vendit te pare doli Radio Vizioni-Podujevë, te dytin Radio Lushnja dhe te tretin radio Theranda. Në konkurrencën e spotit publicitar, Radio Shkodra u nderua me vendin e pare, Radio Plus-Prishtine me vendin e dyte dhe Radio Alpo-Gjirokaster me vendin e trete.
Plaketat për radiot fituese në reportazhë i ka ndarë Aleksandër Çipa, gazetar shumëvjeçar dhe opinionist i njohur, kryetar i Unionit të gazetarëve Shqiptarë. Për raporte radiofonike, Engjell Serjani, gazetar shumëvjeçar nga Gjirokastra dhe Meriton Ferizi, drejtor i Kultures ne Gjakove ndau mirënjohjet per radiot fituese ne spotet publicitare.
U ndanë edhe çmimet për zërat më të mirë. Këto epitete i takuan Oralda Lahos nga Radio Tirana dhe Bujar Peci nga Radio Ylberi në Mitrovicë. Organizatorët i ndanë çmimin special “pos mortum” zërit që ishte legjendë e radiofonisë, Margarita Myrto.
U nderuan me mirënjohje nga nikoqiri edhe Radio Teuta e Ulqinit dhe Radio Presheva. Ceremonia e ndarjes së çmimeve u shoqërua me një program të pasur kulturo artistik.