Në kuadër të përpjekjeve për të krijuar ambientë më të mire, përkatësisht oaza të gjelbëruara, në brëndi të qytetit në Gjakovës, në rrugën “Besim

Bishtrazhini”, ka nisur projekti për rregullimin e hapsirës publike. Si jemi njohtuar nga Shkumbin Kastrati, drejtor i Drejtorisë komunale të Shërbimeve Publike, bëhët fjalë për projektin e parkut në një sipërfaqe prej afër 15 ari, në kuadër të të cilit do të ndërtohën edhe stazat për këmbësor, ndriqimi public, shportat e mbeturinave, të gjitha këto të shoqëruara me gjelbërimin dhe ulëset përkatëse. Vlera e këtij projekti bashkfinancuar mes Komunes se Gjakoves dhe projektit DEMOS është 12 mijë euro, ndërkohë që realizim i tij pritet të përfundoi në fund të këtij muaji. Kur është fjala tek projektet në vazhdim, sipas drejtorit Kastrati, së shpejti pritet të nisë vazhdimi i punimeve në fshatin Skivjan, projekt ky i cili është në fazën e prokurimit.