Në Qendrën Kryesore të Mjekësisë Familjare në Gjakovë dhe në Qendrat e Mjekësisë Familjare, është rritur në mënyrë enorme numri i pacientëve të cilët janë të atakuar nga ftohjet e gripit sezonal. Si jemi njoftuar nga dr. Viloleta Xërxa-Thaqi, drejtoreshë e QKMF-së, për shkak të numrit të madh të pacientëve është kërkuar edhe shtimi i numrit të mjekëve për të ju dalur në ndihmë valës së madhe të qytetarëve të komunës së Gjakovës të cilët drejtohën në institucionet shëndetësore për kërkuar shërbime.

Nisur nga fakti se sëmundja e gripit shkakton rënien e imunitetit të organizmit, specialistja e mjekësisë familjare, Xërxa-Thaqi, ka thënë se të gjithë ata të cilët janë të sëmurë nga gripi sezonal, duhet ti nënshtrohen pushimit, ndryshe gjendja e tyre shëndetësore mund të komplikohet. Përhapja e sëmurjes së gripit, e cila kryesisht bëhet përmes rrugëve aerogjene, ajo ka kërkuar një kujdes të posaçëm gjatë kollitjes. Sipas saj, mbrojtja e përcjelljes së kësaj sëmurje, bëhet jo duke e mbuluar gojën me shuplakë të dorës, siç praktikohet tek popullata, por me pjesën e poshtme të krahut.

Ndryshe, kur është fjala tek numri i pacientëve, gjatë javës së pare të muajit nëntor numri i personave që kanë kërkuar ndihmë mjekësore ka qene mbi 4 mije,

ndërkohë që gjatë javës së pare të muajit dhjetor ky numër është rritur për 1 mijë e 500 përsona, duke arritur numri 6 mijë e 150 sosh.