Universiteti i Gjakovës “Fehmi Agani” hapi konkursin për pranimin e studentëve në afatin e parë për vitin akademik 2017-2018.

Në këtë universitet do të pranohen gjithsej 524 studentë në të gjitha fakultetet, përfshirë edhe kuotat e rezervuara për fëmijë të dëshmorëve, minoritete dhe studentë nga trojet e tjera shqiptare.

Të gjithë studentët e interesuar për t’u regjistruar në Universitetin “Fehmi Agani” fillimisht duhet të aplikojnë online në faqen zyrtare të universitetit, ndërsa më pas dokumentet që përfshin certifikatën e lindjes, dëftesen e të gjitha klasave të mesme, diplomen e shkollës së mesme, kopjen e letërnjoftimit, dëshminë për pagesën që gjithashtu shkarkohet online dhe kryhet në njërën nga bankat e vendit, duhet t’i dorëzojnë në ambientet përkatëse të fakulteteve ku kanë aplikuar.

Konkursi do të mbetet i hapur deri më 17 korrik, ndërsa pranimi i dokumenteve bëhet çdo ditë gjatë kësaj periudhe deri në ora 16:00, përjashtim bënë dita e diel.

Të gjithë studentët konkurues do t’ju nënshtrohen provimit pranues më 20 korrik./radiogjakova/